Kunstenaars

  • jason

    Jason Bradley

    Jason is 'n gebore Vrystater, wat na matriek vir twee jaar in Engeland getoer het. Daar het hy in plaaslike restaurante sy passie vir musiek uitgeleef. Sy liefde vir Country musiek was al op verskeie TV-programme, plaaslik en internationaal te hoor.

    Hy sal optree as gaskunstenaar tydens vanjaar se Gemsbok Skoukoningin kroning op Donderdag, 2 Mei.

  • Demi-lee Moore

    Demi Lee Moore

    Demi Lee is van Durbanville en die wenner van die TV-musiekwerklikheidsreeks, Die Kontrak. Sy het ’n platekontrak by Coleske Artists losgeslaan en op 2018 se Afrikaans Is Groot-konserte opgetree. Haar eerste liedjie, "Mis Eet Slaap Herhaal", is net voor die konsert uitgereik en was gou no. 1 op die Afrikaanse iTunes.

    Maak seker jy mis nie haar optrede op Saterdag, 4 Mei nie!

  • early b

    Early B

    Early B is 'n "rapper" van Port Elizabeth wat nie net met 'n Ghoema-toekenning agter sy naam spog nie maar het ook 'n diploma in Flim- en TV-produksie verwerf. Hy het al saam verskeie kunstenaars soos Emo Adams & Hemelbesem gewerk. Sy musiek is op verskeie TV- en radiokanale landswyd te hoor.

    Kom luister na hom op Saterdag, 4 Mei.

  • samantha

    Samantha Leonard

    Samantha Leonard, 'n diamant van Kimberley, het haar bekendheid verwerf tydens "The Voice South Africa" seisoen 2. Sy het kort daarna haar eerste debuut enkelsnit "'n Duisend keuses" vrygestel. Sy skryf meeste van haar eie liedjies, wat in samewerking met bekendes soos Hugo Ludik en Vaughan Gardener, saamgestel word.

    Sy tree op Vrydag, 3 Mei.

  • appel

    Appel

    Christoph Kotze, oftewel, Appel is en was verantwoordelik vir van die grootste liedjies in die Afrikaanse musiekbedryf die afgelope 10 jaar. Liedjies soos, “Sal jy bly” (Theuns Jordaan), “Dis hoe ons rol” (Jay), “Koue voete en warm liefde” (Bok van Blerk) en Karlien van Jaarsveld se treffer, “Hande”. Hy was op 17 naaswenner van die ATKV Crescendo se skeppende afdeling en spog ook met 'n Ghoema-toekenning.

    Ons sien uit na sy optrede op Donderdag, 2 Mei.

  • marulaboom

    MarulaBoom

    MarulaBoom het nog altyd 'n besige optrede rooster gehad. Hy is verlief op die verhoog, daar is hy op sy gemak en hy voel tuis voor 'n gehoor. Sy eie-aan-hom vertoning van komedie, gehoor interaksie en onverwagse verrassings maak dit iets om elke keer na uit te sien. Hy het al verskeie Huisgenoot Tempo, Ghoema, Vonk en SAMA nominasies ontvang.

    Hy sal van 2-4 Mei die mense elke dag vermaak met sy optrede.

  • klipwerf

    Klipwerf Orkes

    Klipwerf Orkes het geen bekenstelling nodig nie en met verkope van meer as 1,4 miljoen, is Klipwerf Orkes Suid Afrika se mees suksesvolle orkes ooit. Hulle spog met 1 OKTV, 5 OSKARS, 2 TEMPO, 1 SATMA, 3 SAMA, 22 Goue en 7 Platinum plate en talle ander benoemings, toekennings en erkenning.

    Stof solank jou danskoene af en kom dans saam op 3 Mei.